Весна Љ.
ЗБОГУМ НА Е-ЦИГАРИТЕ И РЕКЛАМИТЕ: Објавен новиот Закон за заштита од пушење – еве што се менува!
Министерството за здравство и министерот Азир Алиу го ставија на јавна расправа новиот Предлог-закон за заштита од пушење. Ова законско решение, веќе објавено на ЕНЕР, предвидува најстроги мерки досега, со посебен фокус на заштита на младите од новите никотински производи.
Клучни новини во законот:
- Контрола на нови производи: За првпат законски се регулираат електронските цигари, помагалата за загревање тутун и другите нови никотински производи.
- Тотална забрана за реклами: Се воведува целосна забрана за рекламирање, промоција и спонзорство на тутунски производи, вклучувајќи ја и дигиталната промоција.
- Скриени полици во маркетите: Се ограничува изложувањето на тутунските производи на продажни места (не смеат да бидат видливи како обична стока).
- Построго во јавни простории: Се зајакнува забраната за пушење во сите јавни и работни простории, без исклучок.
„Здравјето пред профитот“
Супер Попуст -25%
-
Петок
699 ден
524.25 ден
Според министерот Алиу, овој закон не е казнено решение, туку превенција.
„Фактите се неспорни – тутунот е водечка причина за смрт што може да се спречи. Новите производи со ароми и агресивен маркетинг се насочени токму кон децата. Здравјето на децата не може да биде предмет на профит“, вели Алиу.
ЈАВНА РАСПРАВА: Законот е усогласен со европската регулатива и Рамковната конвенција на СЗО. Сите заинтересирани можат да дадат свои коментари на ЕНЕР пред тој да биде усвоен од Владата и Собранието.
