Весна Љ.
Според информациите кои ги објави „Украинска правда“, повикувајќи се на дипломатски извори од Брисел, ситуацијата на преговарачката маса останува непроменета. Како и на последниот состанок одржан во јули, Унгарија се согласи да ги одобри исклучиво резултатите од скринингот на кластерот 3, но само за Молдавија, ставајќи ја Украина во крајно незавидна позиција. Сепак, идејата за целосно одвојување на Украина и Молдавија на нивниот интегративен пат кон ЕУ не наидува на поддршка од мнозинството земји-членки, кои се предводени од Ирска, државата која во моментов претседава со Советот на Унијата.
Ултиматум за правата на унгарското малцинство
-
La Linea v16
699 ден
524.25 ден
Дипломатските извори за украинските медиуми брифираат дека за време на интензивната дискусија за плановите за проширување, унгарскиот претставник јасно ги дефинирал црвените линии на Будимпешта. Владата на Унгарија е подготвена да даде зелено светло и да продолжи напред во процесот само доколку Украина преземе конкретни чекори кон целосно исполнување на билатералниот договор за заштита на правата на унгарското малцинство кое живее на украинска територија.
До исполнувањето на овој клучен услов, официјална Будимпешта децидно порачува дека нема да дозволи никаков напредок во отворањето на преговарачките кластери за Киев, со што украинските евроинтеграции остануваат во статус-кво ситуација, зависни од решавањето на билатералните прашања.
„Будимпешта е подготвена да продолжи напред само ако Украина преземе чекори кон исполнување на билатералниот договор за заштита на правата на унгарското малцинство. Се останува непроменето, дотогаш нема да има напредок.“
