Весна Љ.
Според последниот утрински извештај, надлежните институции и противпожарните служби успеале да локализираат и ликвидираат огромен број огнени жаришта, со што значително се подобрува состојбата на теренот ширум земјата.
Кои пожари се сè уште активни?
-
Добро утро
699 ден
524.25 ден
Во моментов, екипите на терен се борат со три активни пожари во следните општини:
- Општина Студеничани: Пожарот е активен на потегот меѓу селата Моране, Вртекица и Рамни Габер, каде што гори мешана шума.
- Општина Македонски Брод: Активно жариште има во месноста Видуш, кај селата Драгов Дол и Локвица (гори ниска вегетација, нискостеблеста шума и грмушки).
- Општина Прилеп: Пожар беснее во атарот на селото Чаниште и има два активни крака – едниот се движи кон селото Зовиќ, а другиот кон Крушевица, зафаќајќи ниска вегетација.
Единствениот пожар кој во моментов се води како под контрола е пожарот на градската депонија во Општина Делчево.
Успешно изгаснати 33 пожари
Списокот на ликвидирани пожари е долг и опфаќа голем дел од територијата на државата. Меѓу позначајните интервенции е гаснењето на пожарот што ги зафати општините Велес и Зелениково (селата С’лп, Карабуњиште, Бузалково, Добрино и Тисовица), каде што гореше квалитетна дабова шума.
Пожарникарите интервенирале и на повеќе запалени диви депонии, стрништа, сува трева и отпад во скопските општини (Ѓорче Петров, Сарај, Аеродром, Арачиново), како и во општините Долнени, Струмица, Кичево, Штип, Гостивар, Тетово, Кочани и Кратово.
