Весна Љ.
Активно жариште во село Белица
Најголем предизвик за противпожарните служби во моментов претставува активниот пожар на територијата на Општина Македонски Брод. Огнот е лоциран во атарот на селото Белица, на местото викано Кајорец, каде што огнената стихија има зафатено нискостеблеста и мешана шума. Екипите продолжуваат со напорите за негово ставање под контрола.
Десет пожари успешно изгаснати ширум државата
-
Пиво
699 ден
524.25 ден
За разлика од претходните извештаи, ЦУК информира дека во овој период нема регистрирани пожари кои се во фаза на „под контрола“, бидејќи сите останати десет жаришта се целосно изгаснати благодарение на брзата интервенција на терен.
„Успешно се ликвидирани пожарите во селото Радуша (Општина Сарај) и во селото Конско (Општина Гевгелија), каде што горела ниска вегетација.“
Во Општина Струга навремено биле изгаснати два пожара – во Татеши (стрниште и ниска вегетација) и во Велешта. Слични интервенции имало и во селото Ораовец (Велес) каде што гореле дрвца бадеми, како и во селото Требош (Желино).
Противпожарните единици биле активни и во Општина Кичево каде што се регистрирани два изгаснати пожара во Туин и Зајас. Во пелагонискиот регион, во Општина Могила бил локализиран пожар на потегот од Долно Српци до Беранци, додека последниот од десетте изгаснати пожари бил во преспанското село Болно, каде што горело ѓубре.
