Весна Љ.
Речиси две години Израел спроведува жестоки воени операции, ракетирајќи цели во Иран, Сирија, Ирак, Либан и палестинските територии. Овие акции предизвикаа масовен егзодус на над милион Палестинци и, според Анкара, директно ги загрозуваат турските стратешки интереси. Ова доведе до невидена експлозија на тензиите меѓу Турција и Израел.
Црвена потерница за израелскиот лидер
-
Насмевката на музиката
699 ден
524.25 ден
Турскиот министер за правда, Акин Гурлек, преку платформата Икс (X) ја потврди шокантната вест. Во Истанбул веќе се води обемна судска постапка против 35 обвинети за пресретнувањето на хуманитарната флотила која носела помош за Газа. Како директен резултат на оваа постапка во меѓународни води, издаден е меѓународен налог за апсење на Нетанјаху.
„Категорично го отфрламе ставот дека администрацијата на Нетанјаху, која ја спроведува политиката на геноцид во Газа, е недопирлива и ослободена од одговорност. Нема да дозволиме сторителите да бидат заштитени со неказнивост.“
Тешки обвиненија за тортура и киднапирање
Листата на обвиненија против израелскиот премиер е застрашувачка. Турција го товари Нетанјаху за наводен геноцид, намерно нанесување повреди, тортура, тешка кражба и киднапирање цивили за време на операцијата за пресретнување хуманитарна помош. Гурлек децидно порача дека Турција решително ќе ги искористи сите механизми на меѓународното право. Израел, од своја страна, категорично ги отфрла сите обвинувања за наводен геноцид.
