Што е тоа алгоритам?

Отишла плавуша заедно со нејзиниот брат да се запише на Полициска академија.

Влегла кај инспекторот на прво интервју, а тој решил најпрво да ѝ постави неколку прашања за да го провери нејзиното општо образование.

– Што е тоа алгоритам?

Русокосата одговара подготвено:

– Алга која фатила ритам.

Одговорот малку го збунил инспекторот, но, сепак продолжил да ја прашува:

– Кој е Гаврило Принцип?

Русокосата се замислила, па прашала:

– А да не е тоа човекот кој го убил последниот кинески цар Џон Кенеди?

Инспекторот длабоко воздивнал, ама сепак одлучил да ѝ го постави последното прашање:

– Кажете ми, кој го убил Исус Христос?

Русокосата размислувала долго, па едвај одговорила:

– Не знам.

– Добро, рекол инспекторот, тогаш јавете ми кога ќе го дознаете одговорот!

Излегува русокосата цела среќна, а брат ѝ ја прашува:

– Како беше?

– Супер, шефот веќе ми додели прв случај на убиство!