23 Илустрации со силна порака: Артистка се бори против предрасудите за жените

Артистка руши стереотипи и се стреми да го промени начинот на кој општеството гледа на жените.

Лејни Молнар создава илустрации кои ги охрабруваат претставничките на понежниот пол да се сакаат онакви какви што се, да веруваат во своите соништа, да ги следат своите амбиции и да не се обидуваат да се вклопат во стереотипните начини на размислување.

31-годишната Унгарка смета дека се врши преголем притисок врз жените и дека очекувањата од нив се нереални. Таа е категорична дека брчките во 30-тите години се нормални и дека секоја жена сама одлучува како ќе се облекува, дали ќе има деца или дали ќе стапи брак.