СЕ ЗБОГУВАМЕ СО САМОИЛ: Почина актерот Самоил Стојановски – Неговото дело ќе живее вечно!

Македонската културна сцена е завиена во црно. На 55-годишна возраст, прерано нѐ напушти талентираниот актер Самоил Стојановски, оставајќи зад себе празнина во срцата на колегите и публиката.

Децении посветени на театарот – последен аплауз за маестрото

Самоил Стојановски беше дел од македонската актерска сцена повеќе од ДЕЦЕНИИ. Од 2003 година, па сѐ до неговиот последен аплауз во декември, беше столбот на Народниот театар „Јордан Хаџи Константинов – Џинот“ во Велес.

Велешкиот театар во солзи – „Неговата топлина ќе остане во сеќавањата“

„До семејството, колегите и пријателите на Самоил, упатуваме најискрено сочувство во овие тешки моменти“, соопштија од велешкиот театар. „Неговата ПОСВЕТЕНОСТ и ТОПЛИНА ќе останат засекогаш во сеќавањата на сите што го познаваа. Спомените за него нека бидат утеха, а неговото ДЕЛО – сведоштво за неговиот живот и љубовта кон театарот.“

Богат театарски опус – ролји за паметење

На сцената на велешкиот театар, Стојановски создаде НЕЗАБОРАВНИ ролји во бројни претстави. Меѓу нив се издвојуваат: „Будење“, „Ѕвонарот на Богородичната црква во Париз“, „Четвртата сестра“, „Орест“, „Жени во народното собрание“, „Сомнително лице“, „Враќање“, „Железно пиле“, „Дом за птици“, „Да се заборави Херострат“, „Х-Хамлет“, „Птици“, „Џинот, учителот“, „Веселите жени од Виндзор“, „Тероризам“, „Баханалии“, „Злосторство на островот на козите“, „ММЕ кој прв почна“, „Онегин“, „Шашардисани времиња“, „Принцезата и Гускарот“, „Последниот Балкански вампир“, „Крал Лир“, „Тартиф“, „Најважната работа на светот“, „Приказни од шестиот кат“, „Класен непријател“, „Добрата надеж“, „Мачорот во чизми“, „Ана Комнена“, „Синиот портокал“, „Лисистрата“, „Елешник“, „Креонт и Антигона“ и многу други.

Филмски и телевизиски ангажмани – траен белег во македонската кинематографија

Стојановски остави свој белег и во ФИЛМСКАТА и ТЕЛЕВИЗИСКАТА продукција. Учествуваше во култни проекти како што се „Трст виа Скопје“ (1987–1990), „Погрешно време“ (2000), „Вампирџија“ (2002), „Крајот на играта“ (2002), „Крчма на патот кон Европа“ (2005), „Ова не е американски филм“ (2011), „Старо купуем“ (2013), „Приказни од животот“ (2014), „Ослободување на Скопје“ (2016), „Преспав“ (2016), „Македонски народни приказни“ (2017), „Црвениот поет“ (2024) и други.