Потресен чин во Кочани: Мајка си стави на лицето прав од изгорениот ранец на синот

На вчерашниот протест кој се одржа во Кочани, мајка на трагично загинато дете направи симболичен и многу потресен чин.

Таа на своето лице симболично стави дел од правта од изгорениот ранец на нејзиниот син, кој кобната вечер бил диџеј во клубот „Пулс“. Оваа слика предизвика длабоки емоции кај сите присутни и во целата јавност.

Со овој храбар и длабоко емотивен чин, таа испрати силна и недвосмислена порака до надлежните институции. Пораката е за итната потреба од правда за сите жртви и за нивните семејства кои сè уште ја чекаат правдата.

Вчерашниот протест беше единаесетти по ред, на кој семејствата и граѓаните на Кочани континуирано бараат одговорност за големата трагедија.