Балканскиот Хачико: Кучето на Халид Бешлиќ одбива да јаде и сè уште го чека својот газда

И Бенџо не може да го прежали Халид: Потресната сторија за кучето што одбива да јаде и го чека својот газда

Смртта на легендарниот пејач Халид Бешлиќ го зави целиот Балкан во црно, но можеби најчистата и најпотресна тага доаѓа од неговиот најверен пријател – 15-годишното куче Бенџо. Според сведоштвата на најблиските, стариот пес одбива да јаде и да пие по смртта на својот сопственик и секој ден го поминува чекајќи го на паркингот. Оваа приказна за безграничната лојалност на едно животно го расплака регионот.

„Бенџо ништо не јаде, само го чека“

Приказната за Бенџо ја сподели долгогодишниот возач на Халид, Владо Пејиќ, кој исто така е скршен од болка. „Бенџо е куче на Халид и наше од мотелот кое откако Халид почина ниту јаде, ниту пие вода. Севезден го очекува Халид на паркингот. Да го помилува, да го награни…“, раскажува тој низ солзи.

Оваа слика на тажно куче кое го чека својот сопственик е универзален симбол на лојалност и љубов, која не познава зборови. Видеото од Бенџо веднаш стана вирално, а коментарите се исполнети со тага и сочувство.

@pecenjaradjilo2

♬ original sound – Pecenjara Djilo

Балканскиот Хачико

Приказната за Бенџо морничаво потсетува на една од најпознатите приказни за лојалноста на кучињата во светот – онаа за јапонското куче Хачико. Хачико секој ден го чекал својот сопственик на железничката станица, а продолжил да го чека на истото место девет години по неговата смрт. Денес, Хачико е национален симбол на лојалноста во Јапонија, а се чини дека Балканот го доби својот Хачико во ликот на Бенџо.

Оваа приказна е најсилниот, иако и најтажен, доказ за тоа каков човек бил Халид Бешлиќ – личност чија добрина и љубов ги чувствувале не само луѓето, туку и животните околу него.

Последните денови на легендата

Возачот Владо се присети и на последните денови на Халид, кој почина на 71-годишна возраст по лекување на одделот за онкологија во Сараево. „Тој немаше болки, не се жалеше, синот кај него беше 24 часа. Сето внимание што требаше да го добие го добиваше“, раскажува тој, додавајќи со тага: „Халид, зошто ни замина, зошто нè остави, ни требаше уште 20 години“.

На крајот, додека луѓето се простуваат од легендата преку неговите безвременски песни, тивката тага на Бенџо е можеби најсилното и најискрено збогување од сите.