Повторно хаос во 47 училишта, сите дојави за бомби се покажаа лажни

Лажни се сите пријави за поставени експлозивни направи во учичишта во Скопје и во Куманово, соопшти МВР по извршените проверки.

Министерството за внатрешни работи информираше дека по сите извршени антитерористички проверки, утврдено е дека се работи за лажни дојави. Пријавите пристигнале вчера околу 18 часот на е-меил адресите на 30 училишта во Скопје и 17 училишта во Куманово.

Повеќе од само дојави – прекинати активности

Веднаш по добивањето на заканувачките пораки, полицијата презела соодветни мерки. Сите попладневни активности во погодените училишта беа прекинати, а учениците беа испратени дома. Овој нов бран на лажни дојави повторно предизвика вознемиреност кај учениците, родителите и наставниот кадар.