20 загинати во Авганистан: Земјотресот ја оштети и Сината џамија

Нов разорен земјотрес во Авганистан: Најмалку 20 мртви, оштетена е 500 години старата Сина џамија

Во уште една страшна трагедија за земјата која веќе е на колена, силен земјотрес со јачина од 6,3 степени според Рихтеровата скала го погоди северен Авганистан, при што загинаа најмалку 20 лица, а над 320 се повредени. Бројот на жртви се очекува да расте. Земјотресот, кој се случил околу 1 часот по полноќ додека луѓето спиеле, предизвикал значителна материјална штета, вклучително и на еден од најголемите културни симболи на земјата – познатата Сина џамија во Мазар-и-Шариф.

Според „Хиндустан тајмс“, епицентарот бил на длабочина од околу 28 километри. Ударот во раните утрински часови ги фатил жителите целосно неподготвени, што придонело за големиот број на жртви.

A Powerful #Earthquake struck #Afghanistan’s #Samangan and #Balkh Provinces late last night. According to Initial reports, Seven people have been Martyred, around 150 Injured, and a large number of Homes destroyed. #ARCS Rescue and Medical teams have arrived in the affected areas… pic.twitter.com/rMIe1V3THi

— Afghan Red Crescent | افغاني سره میاشت (@ARCSAfghanistan) November 3, 2025

Оштетен еден од најголемите симболи на исламската уметност

Покрај трагичната загуба на човечки животи, земјотресот нанесе и тежок удар врз светското културно наследство. Првичните извештаи и фотографии покажуваат штета на познатата Сина џамија во градот Мазар-и-Шариф. Овој комплекс, кој датира од 15-тиот век, е едно од најважните светилишта во Авганистан и ремек-дело на тимуридската архитектура, познато по своите раскошни сини плочки. Степенот на оштетување сè уште се утврдува, но загубата на дел од овој споменик е непроценлива.

🇦🇫 At least 20 people were killed and hundreds injured following the 6.3 magnitude earthquake in Afghanistan. Officials say the death toll is expected to rise.

The quake hit at a depth of 28 km, heavily impacting Balkh and Samangan provinces. pic.twitter.com/yTrWzSafM8

— The Daily News (@DailyNewsJustIn) November 3, 2025

Земја која не престанува да страда

Оваа катастрофа доаѓа во време кога Авганистан сè уште не е закрепнат од претходниот разорен земјотрес. Порано оваа година, потрес со јачина од 6 степени ја погоди земјата, оставајќи зад себе над 2.200 мртви и илјадници семејства без покрив над главата. Во услови на длабока хуманитарна и економска криза, без меѓународна помош и со ограничени ресурси, секоја нова природна катастрофа има уште поразурнувачки последици. Спасувачките напори се отежнати, а на локалното население му претстои уште една тешка битка за преживување.