„Ја родив, а не можев да ја гушнам“: Потресната исповед на Дејана Бачко што го расплака регионот

„Ја родив, а не можев да ја гушнам“: Емотивна исповед на „Девојката со крилја“ за најтешките моменти од мајчинството

Дејана Бачко, сликарка и шампионка во пара-теквондо родена без раце, сподели трогателно видео со својата ќерка Лара, родена во 2023 година. Таа откри дека најтешкиот дел од родителството во првите месеци ѝ бил стравот и неможноста физички да го прегрне своето бебе, иако сè друго – од хранење до пресоблекување – го правела вешто со нозете.

„Се плашев што ќе биде со нејзиниот врат додека е толку мала, ако се обидам да ја кренам со нозете и нешто случајно ѝ се случи… Секој ден беше полн со измешани емоции“, напиша Дејана. Сепак, таа и нејзиниот партнер Марко Нежиќ не дозволиле тоа да ги запре; патувале низ десетина држави со бебето (Лара веќе има 12 летови), а денес Дејана конечно ужива во цврстите прегратки на својата ќерка.

Инспиративната двојка, која својата љубов ја круниса со голема свадба во 2024 година, уште еднаш докажа дека границите постојат само за да се поместат.