ЧУДО НА ДНОТО НА ЕЗЕРОТО: Пронајден брод стар 200 години кој изгледа „како да чека да исплови“!

Канадски нуркачи кои го истражувале дното на езерото Онтарио откриле „неидентификуван објект“ кој се испоставил дека е речиси совршено зачуван брод стар најмалку 200 години.

Она што почнало како рутинско нуркање се претворило во сензација кога нуркачите здогледале неверојатна глетка. Еден детал посебно ги збунил и воодушевил – двата јарболи на бродот сè уште стоеле исправени. „Тоа е исклучително ретко! На другите потонати бродови јарболите се откинати или оштетени. Овде стоеја исправени, како бродот да чека да исплови“, изјави нуркачот Хејсон Чак.

Мистеријата на „неидентификуваниот објект“

Локален универзитет уште во 2017 година го регистрирал објектот на сонар како „неидентификуван“, а истражувачите првично мислеле дека се работи за бродот „Rapid City“ од 1884 година. Сепак, археологот Џејмс Коноли потврди дека ова откритие е многу постаро.

Недостатокот на централна кобилица и специфичното кормило укажуваат дека бродот е изграден во почетокот на 19 век (1800-тите). Идентитетот на бродот и субината на екипажот засега остануваат мистерија, а истражувањето продолжува.