„Сите лажете, мисирката не чини“: Бизарниот говор на Венс додека Вашингтон е во хаос

Американскиот потпретседател Џеј Ди Венс предизвика бурни реакции и јавно негодување откако одржа бизарен говор во воената база Форт Кембел во Кентаки, непосредно по трагичното пукање во Вашингтон.

Додека главниот град беше во хаос по нападот врз припадниците на Националната гарда, Венс, кој дошол да упати порака за Денот на благодарноста, направил неочекуван и несоодветен пресврт. Откако само кратко го споменал инцидентот, тој ја префрлил темата на – вкусот на мисирката.

„Сите лажете, мисирката нема добар вкус“

Vance: Who really likes — be honest with yourself, who really likes Turkey? You are all full of shit. Everybody who raised your hands… Turkey doesn't actually taste that good. Chicken is good all the time. pic.twitter.com/4TDDHAihUv

— Acyn (@Acyn) November 26, 2025

„Кој навистина сака, бидете искрени со себе, кој навистина сака мисирка?“, ги прашал Венс војниците. Откако добил аплауз, тој продолжил со чудната реторика: „Сите лажете, сите што кренавте раце. Мисирката всушност нема толку добар вкус. Пилешкото е секогаш вкусно“.

Овој настап, кој „Ајриш стар“ го опишува како бизарен, наиде на остри критики бидејќи потпретседателот избрал да дебатира за менито за празникот во момент кога нацијата беше потресена од нападот врз војската во близина на Белата куќа.