Весна Љ.
Совршен спој за слава и празници: Корпици со бело чоколадо и џем од шумско овошје
Ако барате десерт кој изгледа како да е купен од најскапата слаткарница, а се подготвува брзо и едноставно, ова е вистинскиот рецепт за вас. Овие корпици се меки, миризливи и нудат совршен баланс помеѓу слаткото бело чоколадо и киселкастиот џем од шумско овошје. Рецептот е идеален за почетници, а количината е доволна за околу 34 колачиња. Можат да бидат и посни ако користите соодветни замени за маргаринот и чоколадото.
Потребни состојки
-
Хемија
699 ден
524.25 ден
За основната смеса:
- 100 мл вода
- 100 г маргарин или путер
- 50 г шеќер
- 1 лажица арома од ванила
- 150 г бело чоколадо (може и посно)
- 200 г мелени бисквити
- 75 г мелени печени лешници
За полнење и глазура:
- Кокос (за валање)
- Џем по желба (шумско овошје, малина или јагода)
- 150 г бело чоколадо + 1 лажица масло (за прелив)
Начин на подготовка
1. Подготовка на смесата
Во тенџере ставете ја водата, исечканиот маргарин, шеќерот, ванилата и искршеното бело чоколадо. Загревајте на средна температура додека сè не се стопи и проврие. Тргнете од оган и веднаш додајте ги мелените бисквити и лешниците. Измешайте добро и оставете смесата да се олади, па ставете ја кратко во фрижидер за да се стегне (да биде погодна за обликување).
2. Обликување на корпиците
Со лажичка земајте од смесата и правете топчиња (околу 19 грама за елегантен изглед). Секое топче извалкајте го во кокос. Потоа, ставете го топчето во мал калап (на пр. за ќофтиња или капаче со дијаметар од 4 см) и притиснете за да добие облик на корпица. Во средината направете вдлабнатина со прст или дршка од лажица. Вратете ги во фрижидер да се зацврстат.
3. Полнење и „мермерен“ ефект
Загрејте го малку џемот за да стане течен и со шприц или ќесичка наполнете ги корпиците до половина. Потоа, стопете го белото чоколадо со лажица масло и дополнете ги корпиците до врв. За крај, капнете 2-3 капки џем врз течното чоколадо и со чепкалка направете шари за да добиете мермерен ефект. Оставете ги добро да се изладат пред послужување.
