СДСМ ги прочита: Кавгата меѓу ЗНАМ и ВМРО е театар за да се сокријат мигрантите!

СДСМ: „Кавгата“ меѓу ЗНАМ и ВМРО-ДПМНЕ е евтин театар, целта е да се сокрие скандалот со мигрантите

Опозицискиот СДСМ излезе со тврдење дека актуелниот политички судир меѓу коалициските партнери ЗНАМ и ВМРО-ДПМНЕ е целосно измислен и претставува класичен дефокус. Според нив, реакцијата на ЗНАМ за изјавите на Антонио Милошоски е провидно сценарио, чија единствена цел е да се сврти вниманието на јавноста од скандалот што изби во британските медиуми за наводен договор за прифаќање мигранти во Македонија.

Од партијата обвинуваат дека ЗНАМ веќе две недели молчи за ова прашање и одбива да се изјасни за предложената Резолуција. „Отвораат неважни и вештачки наметнати теми, додека зад грб се носат мигранти за пари во Македонија“, велат од СДСМ, посочувајќи дека молкот на партијата на Максим Димитриевски е доказ за соучесништво во тајните планови на Владата.