СДСМ до Мицкоски: Ако британските медиуми лажат, потпишете ја Резолуцијата веднаш

Опозициската СДСМ упати директен предизвик до премиерот Христијан Мицкоски веднаш да ја потпише предложената Резолуција за забрана на прифаќање мигранти, доколку се вистинити неговите тврдења дека британските медиуми лажат за наводниот договор.

Од партијата истакнуваат дека со само еден потпис премиерот може да ги расчисти сите сомнежи и дилеми, наместо да ја руши иницијативата со поднесување на „контра-резолуции“.

Според соопштението, граѓаните веќе не веруваат на „празните зборови“ на Мицкоски, потсетувајќи на неговите претходни неисполнети ветувања, вклучувајќи го и она за повлекување од политиката поврзано со случајот во Кочани. Заклучокот на СДСМ е јасен: ако Мицкоски одбие да стави потпис, тоа ќе биде доказ дека договор за носење мигранти за пари сепак постои.