Трамп гарантира за Путин: „Убеден сум дека нема пак да нападне, затоа САД ќе ја штитат Украина“

Трамп за „Њујорк Тајмс“: Убеден сум дека Путин нема пак да нападне, затоа сум подготвен да ја бранам Украина!

Дали американскиот претседател знае нешто што другите не го знаат? Доналд Трамп во интервју за „Њујорк Тајмс“ изјави дека е подготвен да се обврзе на учество на САД во идната одбрана на Украина, но само затоа што е цврсто уверен дека Русија нема повторно да се обиде да изврши инвазија.

„Да не бев сигурен, немаше да се согласам“

На прашањето дали е подготвен да влезе во војна за да ја одбрани Украина доколку Русија го прекрши прекинот на огнот, Трамп одговори самоуверено:

„Многу сум уверен дека тие нема повторно да извршат инвазија, во спротивно не би се согласил на тоа (безбедносни гаранции)“.

Танцот на преговорите: Кој сака мир?

Трамп откри детали од „зад сцената“ на преговорите. Тој тврди дека во минатото имал моменти кога сè договорил со Путин, но Зеленски одбивал, и обратно.

„Мислам дека сега двајцата сакаат да склучат договор, но ќе видиме. Правиме сѐ што можеме, немам временска рамка“, вели американскиот лидер.

Без ветување за повеќе оружје

Интересно е што Трамп одби да вети зголемена воена поддршка ако Путин го одбие мирот. Неговиот фокус е на „спасување животи“, а не на вооружување.

Ова доаѓа по самитот во Париз, каде Франција и Британија ветија војници за одвраќање на Русија – потег кој Москва веќе го нарече „ескалација“.