Весна Љ.
Данската премиерка Мете Фредериксен порача дека Копенхаген е подготвен да преговара за безбедноста и економијата околу Гренланд, но дека суверенитетот на територијата не е тема за разговор.
Изјавата доаѓа во контекст на претходните најави и закани од американскиот претседател Доналд Трамп, по што Данска настојува да го задржи дијалогот со сојузниците конструктивен, но строго во рамки на почитување на територијалниот интегритет.
„За сè може, освен за суверенитетот“
-
Кафе и пиво
699 ден
524.25 ден
Фредериксен нагласи дека Данска е отворена за разговори за „сите политички аспекти“, наведувајќи безбедност, инвестиции и економија, но подвлече дека постои црвена линија. „Можеме да преговараме за сите политички аспекти: безбедност, инвестиции, економија. Но, за едно нешто не можеме да преговараме, нашиот суверенитет“, рече таа.
НАТО: Статусот на Гренланд не бил тема со Трамп
Нејзината порака се надоврзува на изјавата на генералниот секретар на НАТО, Марк Руте, кој доцна синоќа рече дека прашањето дали Гренланд ќе остане под Данска не било дискутирано на неговата средба со Трамп. Тоа следи откако американскиот претседател ги повлече заканите за царини кон европските земји и ја исклучи употребата на воена сила во контекст на Гренланд.
Копенхаген во близок контакт со Руте
Фредериксен посочи дека одржува близок дијалог со НАТО и дека редовно разговарала со Руте, особено пред и по неговата средба со Трамп во Давос. Според неа, целта е да се најдат конкретни начини за зајакнување на безбедноста на Арктикот без да се отвора прашањето за суверенитетот.
Арктичката безбедност и „Златната купола“
Данската премиерка повтори дека Кралството Данска сака да продолжи со конструктивен дијалог за мерките за зајакнување на арктичката безбедност, вклучително и иницијативата на САД наречена „Златната купола“, но само доколку тоа се прави со почитување на данскиот територијален интегритет.
