Огнен пекол во Тирана: Молотови коктели и солзавец на протестите против владата на Еди Рама

Огнен пекол на улиците во Тирана: Уапсени се 17 лица откако протестот на албанската опозиција ескалираше во брутални судири со полицијата.

Против уште 35 демонстранти се води истрага на слобода. Толпата директно се судри со безбедносните сили. Инцидентите почнаа пред кабинетот на премиерот Еди Рама. Летаа молотови коктели кон владината зграда. Полицијата возврати со солзавец за да ги растера гневните граѓани.

Запаливи средства пред Парламентот

Хаосот брзо се префрли пред зградата на албанскиот парламент. Таму беа регистрирани нови инциденти. Демонстрантите повторно фрлаа запаливи средства. Следеше нова жестока полициска интервенција. Во бруталните судири има повеќе повредени лица. Тие веднаш се пренесени во болница за укажување помош.

Корупцијата ја крена опозицијата на нозе

Официјална Тирана тврди дека протестот не бил воопшто одобрен. Полицијата имала оперативни информации за можни насилства. Гневната опозиција има само едно барање. Тие бараат итна оставка од Владата. Причината се тешките обвинувања за корупција против вицепремиерката Белинда Балуку.