ЕУ смирува, нема сигнал за мигрантски бран поради војната во Иран

Европската комисија смирува. Засега нема сигнал дека војната во Иран ќе создаде масовен мигрантски бран кон Европа. Во Брисел велат дека внимателно ја следат состојбата, но не очекуваат сценарио што ќе ја преплави Унијата со нови движења на луѓе.

Комесарот за миграција Магнус Брунер, по разговорите со шефот на турската дипломатија Хакан Фидан, посочи дека Турција ја затворила границата кон Иран. Тоа, според ЕУ, ја намалува можноста за брзо прелевање на евентуален притисок кон европските рути.

Затворени граници, ЕУ сака да спречи паника

Пораката од ЕУ е јасна. Не сакаат да се крене страв пред да има факти. Затоа зборуваат со мерка и ја ставаат тежината на превенцијата, контрола на коридорите и координација со партнерите.