Колони кон Грција: На „Богородица“ се чека околу 20 минути

На граничниот премин „Богородица“ за излез од Македонија се чека околу 20 минути поради зголемена фреквенција на возила, информира АМСМ.

На останатите гранични премини од македонска страна нема подолги задржувања ниту за влез, ниту за излез од државата.

Зголемен сообраќај надвор од градовите

Сообраќајот на државните патишта се одвива непречено и по суви коловози. Интензитетот на возила на патните правци надвор од градските средини е зголемен.

АМСМ им препорачува на возачите да ја приспособат брзината, да ја почитуваат сообраќајната сигнализација и внимателно да управуваат со возилата.

Внимание поради можни одрони

Посебна претпазливост се препорачува на патиштата низ котлините, речните долини и клисурите, каде што постои можност од појава на одрони.

Предупредувањето особено се однесува на делниците Катланово – Велес, Маврово – Дебар – Струга, Виница – Берово и Кочани – Делчево.