Огнен обрач околу Атина: Десетици пожари беснеат низ Грција

Грција останува во состојба на максимална готовност поради шумските пожари што избувнаа во повеќе делови од земјата. Пожарникарите се борат со активни фронтови во близина на Атина, на Пелопонез, во централниот дел на земјата и на островот Крит.

Според грчките власти, од петокот наутро биле регистрирани повеќе од 73 пожари. Високите температури, сувата вегетација и силните ветрови го забрзуваат ширењето на пламенот и ги отежнуваат воздушните операции.

A large wildfire is currently burning on Kalymnos Island, Greece. pic.twitter.com/z9Bfpy6ZqE

— Weather Monitor (@WeatherMonitors) July 30, 2026

Огнот се закани на населбите западно од Атина

Критична останува состојбата во крајбрежните области околу 60 километри западно од Атина. Пожарникарски авиони уште од раните утрински часови го гаснеа огнот во близина на Порто Гермено, каде пламените јазици во текот на ноќта се приближиле до населени места.

Жителите на Порто Гермено, Псата и околните области добиле наредби за евакуација. Дел од луѓето биле извлечени со бродови, бидејќи огнот и густиот чад ги загрозиле копнените патишта.

Во поширокото атинско подрачје брз пожар се проширил и по планината Поикило, стигнувајќи до периферијата на населбата Хаидари. Како мерка на претпазливост биле евакуирани и 17 пациенти од психијатриската болница „Дафни“.

A large forest fire is currently burning in the Kompoti area of Arta, western Greece. pic.twitter.com/ayb9kF3q2i

— Weather Monitor (@WeatherMonitors) July 31, 2026

Над 250 луѓе евакуирани по морски пат

Една од најголемите операции била спроведена во Беотија, северозападно од Атина. Противпожарната служба и крајбрежната стража со бродови евакуирале повеќе од 250 жители и посетители од подрачјето зафатено со огнот.

Пожарите продолжија и на северозападниот дел од Пелопонез. На Крит состојбата се подобрила, но екипите и натаму ги следат жариштата по фронт долг околу 15 километри.

Силните налети на ветер остануваат најголемата опасност. Тие можат за кратко време повторно да го разгорат огнот и да ги приземјат авионите и хеликоптерите за гасење.

Нова евакуација на 2.500 луѓе во Франција

Истовремено, пожарот повторно се активирал во францускиот департман Вар. Поттикнат од силниот мистрален ветер и температурите блиску до 40 степени, огнот за само шест часа зафатил околу 1.000 хектари.

Околу 2.500 луѓе биле евакуирани во близина на масивот Гро Бесијон, додека селото Корен останало отсечено поради непроодните патишта. На терен биле распоредени 700 пожарникари, шест хеликоптери, осум авиони „Канадер“ и два авиони „Даш“.

Станува збор за повторно активирање на пожар кој претходно бил ставен под контрола, откако веќе уништил околу 4.500 хектари. Ветрот и екстремната жештина повторно ги разгореле жариштата.

Spain & France Wildfires 2026 | Caption Europe is battling one of its most devastating wildfire seasons in recent history.

Massive fires fueled by extreme heat, drought, and strong winds have scorched vast areas of Spain and southwestern France, forcing hundreds of thousands of… pic.twitter.com/qaldtFR8Hl

— France Safety Travel (@francesafetytra) July 30, 2026

Сушата ја претвора Европа во запалив терен

Франција, Грција, Шпанија и Турција ова лето се соочуваат со серија големи шумски пожари. Долгите периоди без дожд ја исушија вегетацијата, додека топлотните бранови создаваат услови во кои огнот се шири со огромна брзина.

Научниците предупредуваат дека климатските промени ги прават ваквите услови почести и поинтензивни. Европа е континентот што најбрзо се загрева, а пожарникарските служби сè почесто се соочуваат со повеќе големи фронтови во исто време.