Видео за 35 години Македонија предизвика емоции: Џамбазов во главната улога

Премиерот Христијан Мицкоски објави видео по повод 35 години од независноста на Македонија, во кое се прикажани дел од најзначајните моменти и личности од поновата историја на државата.

„Силно светнал ден! 35 години независност“, напиша Мицкоски во објавата на Фејсбук.

Игор Џамбазов во центарот на видеото

Главниот лик во видеото е Игор Џамбазов, а преку неговото присуство се поврзуваат различни моменти од 35-годишната историја на независна Македонија.

Кадрите се фокусираат на личности, настани и симболи кои оставиле белег во изминатите децении, со нагласена емотивна и патриотска порака.

Видеото масовно се споделува

По објавувањето, видеото почна брзо да се шири низ социјалните мрежи. Голем број корисници го споделуваат со пораки за гордост, припадност и емоции поврзани со Македонија.

Меѓу реакциите има и коментари од граѓани кои велат дека видеото ги потсетило на позитивните страни и вредностите на македонското општество.

„Искрено, солзи ми течат додека го гледам“

„Кој и да го направил овој видеозапис, конечно го прикажа вредното во човекот. Искрено, солзи ми течат гледајќи го“, стои во еден од коментарите под видеото.

Авторот на коментарот додава дека, според него, Македонците често се насочени кон критики, а ова видео покажува дека постои и друга, позитивна страна на приказната – онаа на која луѓето можат да бидат горди.