ОРМУЗ ОСТАНУВА БЛОКИРАН: Иран ги отфрли тврдењата на Трамп и постави ултиматум!

Според информациите на агенцијата ДПА, Иран директно го демантираше тврдењето на Трамп дека САД воспоставиле „целосна контрола“ врз овој клучен глобален коридор. Новата иранска служба за контрола на поморскиот сообраќај во Персискиот Залив јасно стави до знаење дека рутата останува парализирана.

Социјалните мрежи не ја менуваат реалноста

Иранските власти експресно реагираа на повеќекратните објави на американските претставници кои тврдеа дека блокадата е укината. Преку официјална објава на социјалната мрежа „Икс“, тие порачаа дека интернет статусите не ја менуваат фактичката состојба на терен.

„Ормуската Теснина останува блокирана и нема повторно да биде отворена додека не бидат прифатени условите на Иран“, се наведува во официјалното соопштение на службата.

Оваа цврста позиција на Техеран предизвикува сериозна загриженост за глобалната економија, со оглед на тоа што Ормуската Теснина е една од најважните артерии за транспорт на нафта во светот. Додека не се постигне договор кој ги задоволува иранските услови, бродовите ќе останат во целосен застој.