Весна Љ.
Според информациите од Министерството за внатрешни работи (МВР), настанот бил пријавен на 13 август во СВР Скопје, во раните утрински часови. Прва во полицијата се обратила 35-годишната жена, која околу 4 часот наутро пријавила дека претходната вечер била физички нападната од нејзиниот 33-годишен сопруг.
Контра-пријава по само 30 минути
-
Кафе и пиво
699 ден
524.25 ден
Случајот добил сосема поинаква димензија многу кратко по првата пријава. Околу 4:30 часот, на полициските службеници им се обратил и сопругот со своја верзија за случувањата во домот.
„Тој пријавил дека во нивниот дом во Драчево, неговата сопруга му упатувала сериозни закани и физички го нападнала, со што надлежните се соочиле со две меѓусебно контрадикторни пријави.“
МВР го расчистува случајот
Засега од полицијата не соопштуваат дополнителни детали за тоа што точно му претходело на инцидентот, ниту пак дали има констатирано видливи повреди кај некој од сопружниците. Надлежните институции интензивно работат на расчистување на случајот преку прибирање на сите потребни информации, изјави и докази.
Од МВР информираат дека по утврдувањето на сите околности околу тоа што навистина се случувало во домот во Драчево и по целосното документирање на настанот, ќе бидат преземени соодветни мерки и ќе следуваат соодветни законски поднесоци.
