Весна Љ.
Противпожарните екипи и надлежните служби продолжуваат со интервенциите на критичните точки низ земјата, обидувајќи се да ги локализираат преостанатите жаришта кои сè уште претставуваат опасност за природата и околината.
Локации на активните пожари
-
Кафе пауза на месечината
699 ден
524.25 ден
Според најновиот извештај на ЦУК, битката со огнената стихија сè уште трае. Најмногу активни жаришта има во Општина Македонски Брод, и тоа на потегот меѓу селата Моране, Вртекица и Рамни Габер, потоа кај месноста Видуш, како и кај селата Драгов Дол и Локвица.
Покрај нив, противпожарните сили дејствуваат и на следниве активни локации:
- Општина Велес: кај селото С’лп.
- Општина Јегуновце: кај селото Копанце.
- Општина Крушево: на потегот помеѓу селата Борино и Житоше.
- Општина Сарај: кај селото Бојане.
Еден пожар под контрола
Добра вест доаѓа од источниот дел на земјата, каде што пожарот што избувна кај градската депонија во Делчево е успешно ставен под контрола. Екипите на терен ја следат состојбата на оваа локација за да спречат негово евентуално повторно разгорување.
