Трамп си го „освои“ Гренланд без испукан куршум: Данска со насмевка му ги предаде клучевите од Арктикот

Апсолутна контрола без потрошен долар

Трамп не крие дека овој договор е чиста, кристална победа за неговата доктрина. Вашингтон сега добива трајна контрола врз безбедноста на ледениот остров – и тоа потполно бесплатно. Договорот вклучува клаузула според која ниту еден противник на САД (читај: Русија и Кина) нема да смее ниту да помисли на воено присуство, ниту пак да прави „чувствителни инвестиции“ без писмено одобрување од Белата куќа.

Додека американскиот претседател слави територијална доминација, данската премиерка Мете Фредериксен вешто се обидува да ја спаси дипломатската гордост. Таа тврди дека договорот ја зајакнува безбедноста и го почитува „територијалниот интегритет и правото на самоопределување“ на народот на Гренланд. Но, деталите од Стејт департментот кажуваат една сосема поинаква, многу посурова приказна.

Еднострани бази и трајна окупација

Што всушност значи тој дански „суверенитет“ во пракса? Функционер од Стејт департментот брилијантно ја демистифицираше европската дипломатска поезија:

„Според договорот, САД ќе имаат право еднострано да градат дополнителни воени објекти, без потреба од одобрение од Гренланд или Данска. Договорот вклучува права за траен пристап, стационирање и прелети.“

За да биде иронијата поголема, договорот е дизајниран да трае вечно – дури и ако Гренланд утре прогласи независност од Данска, американските бази и правилата на Вашингтон остануваат да важат. Договорот официјално ќе биде потпишан следната недела на Генералното собрание на ОН, а над 100-те американски војници кои веќе се стационирани во базата Питуфик веројатно веќе почнуваат да прават простор за илјадници свои нови колеги. Шах-мат на Арктикот.