ВМРО-ДПМНЕ со жесток напад: Тие што го сменија името за да ја „омажат“ Македонија во богата фамилија, сега глумат патриоти!

Распродажба на државата за станови во Дубаи

Од владејачката партија потсетуваат на периодот кога раководството на СДСМ ги убедуваше граѓаните дека со промената на уставното име, Македонија ќе се „омажи во богата фамилија“ и ќе стане членка на ЕУ. Наместо тоа, велат од ВМРО-ДПМНЕ, единствените што дебело профитирале од распродажбата на националните интереси се Венко Филипче и Зоран Заев.

Според партиското соопштение, додека државата се пљачкала, а граѓаните осиромашувале, челниците на СДСМ се стекнале со златни визи, милионски инвестиции во висококатници, станови во Дубаи, фирми во Бугарија и јахти во Грција. Наспроти нивното лично богатење, граѓаните добиле само „руинирано здравство, провизии за вакцини и наместени тендери за модуларни болници“.

Марихуана економија и двојни стандарди

ВМРО-ДПМНЕ ја обвинува опозицијата дека свесно ликува на секој можен застој на државата и се противи на новите стратешки инвестиции кои треба да донесат економски развој и нови работни места.

„Тие не сакаат во Македонија да се градат рудници и дата-центри, затоа што признаваат само марихуана економија со лиценци за медицински канабис, наменети исклучиво за блиските до струмичкиот клан.“

Во соопштението не изостанаа ниту критиките за личните двојни стандарди на опозицискиот лидер. „На Филипче му смета Дејвид Гета, но нема ништо против на приватна журка со Заев во Дубаи да му пее Харис Џиновиќ“, истакнуваат од ВМРО-ДПМНЕ, заклучувајќи дека граѓаните го гледаат ова лицемерие и токму затоа СДСМ засекогаш ќе остане „минорна опозиција пред исчезнување“.