Весна Љ.
Напад со дронови и успешна евакуација на екипажот
Бродот „Контшип Џет“, кој пловел под либериско знаме на рутата од израелското пристаниште Хаифа кон романското пристаниште Констанца, бил погоден на околу 16 наутички милји од бугарскиот брег, во близина на ртот Калијакра. Пловилото претрпело три пробивања на трупот пред да потоне.
-
Пиво
699 ден
524.25 ден
За среќа, морнарите навреме го напуштиле бродот со чамци за спасување, при што сите 18 членови на екипажот биле успешно евакуирани и спасени.
Еколошка закана и мистериозни остатоци од дронови
Потонувањето предизвика сериозна загриженост за животната средина бидејќи меѓу товарот се наоѓале литиум-јонски батерии, киселини и запаливи течности. Иако првичната проверка на водата кај ртот Калијакра не покажала видливи знаци на загадување, надлежните земаат примероци за лабораториски анализи со цел да се утврди евентуално истекување на токсични супстанции.
Во меѓувреме, на брегот кај градот Царево биле пронајдени остатоци од беспилотно летало за кое се претпоставува дека е руски дрон од типот „Геран“. Ова е трет сериозен инцидент во бугарските води овој октомври, откако претходно беа нападнати и потопени бродовите „HS Dignity“ и „Chelsea-3“. Инцидентот се поклопува со трилатералниот состанок за безбедност меѓу министрите за одбрана на Бугарија, Турција и Романија кој се одржуваше во Софија.
„Бугарските власти упатија предупредување до морепловците да бидат особено внимателни во погоденото подрачје. Контејнерите што останале да пловат по морската површина претставуваат дополнителна опасност за поморскиот сообраќај и потенцијален еколошки ризик.“
