ВНИМАНИЕ: Полицијата со засилени контроли, казнети 147 пешаци за преминување надвор од пешачки

Казнети 147 пешаци и 25 возачи

Во текот на вчерашниот ден, во периодот од 08:00 до 13:00 часот, Секторот за сообраќајни работи констатирал вкупно 221 прекршок поврзан со односот меѓу пешаците и возачите. Најголем дел од санкциите биле насочени кон граѓаните кои не ги почитуваат основните правила за преминување улица.

Берово те очекува

A Airbnb ◎ Instagram

Дури 147 пешаци биле санкционирани бидејќи небезбедно го преминувале коловозот надвор од обележан пешачки премин. Од друга страна, полицијата казнила и 25 возачи поради тоа што не пропуштиле пешаци на „зебра“. Покрај овие прекршоци, за време на петчасовната контрола биле изречени и дополнителни 179 казни за возачи поради други видови сообраќајни престапи.

Апел за безбедност и најава за нови контроли

Од Секторот за сообраќајни работи при МВР најавуваат дека ваквите засилени контроли ќе продолжат и во наредниот период. Тие упатија сериозен апел до сите учесници во сообраќајот да ги почитуваат прописите.

На пешаците им се препорачува да го преминуваат коловозот исклучиво на обележани пешачки премини, додека од возачите се бара да ја приспособат брзината на движење и секогаш да овозможуваат непречено и безбедно преминување на пешаците.

„Безбедноста на пешаците е заедничка одговорност. Само со доследно почитување на сообраќајните правила и прописи од страна на сите учесници можеме да придонесеме за побезбедни патишта и намалување на бројот на сообраќајни незгоди.“ — посочуваат од МВР.