Путин со остра порака: Странски трупи во Украина за нас се неприфатливи и ќе бидат легитимна цел

Средба во Москва и остри предупредувања

Ваквиот став Путин го изнесе во четвртокот во Москва, за време на средбата со американските пратеници Стив Виткоф и Џаред Кушнер. Американските претставници го информираа рускиот лидер за деталите од трилатералните разговори меѓу Русија, САД и Украина, кои завршија претходниот ден во Абу Даби. Путин остро реагираше на најавите од одредени европски кругови за испраќање трупи веднаш по евентуалното постигнување на мировен договор.

Берово те очекува

A Airbnb ◎ Instagram

Тој истакна дека ваквиот потег директно би ја загрозил руската безбедност и би значел моментално продолжување на војната. Сепак, рускиот претседател посочи дека Москва никогаш не се противела на дијалог со Европа и ја префрли вината за прекинот на комуникацијата кон европските земји, изразувајќи надеж за постигнување траен мир.

Напредок во преговорите и хуманитарни операции

И покрај острите реторики за странските трупи, средбата донесе и позитивни најави. Американските пратеници Виткоф и Кушнер ги оценија разговорите во Абу Даби како многу позитивни, нагласувајќи дека е договорена голема размена на воени заробеници и оти европските претставници изразиле подготвеност да се вклучат во следниот круг преговори.

Самиот Путин потврди дека е постигнат напредок во хуманитарните прашања меѓу Русија и Украина, предлагајќи конкретна хуманитарна операција во градот Константиновка, во Донецката област. Меѓутоа, страните сè уште имаат длабоки несогласувања околу клучните точки – крајот на војната, територијалните граници и идната безбедносна архитектура на Европа.

„Русија од самиот почеток јасно стави до знаење дека присуството на какви било странски трупи на територијата на Украина е апсолутно неприфатливо за нас… Велат дека веднаш штом ќе се постигне мировен договор, ќе испратат војници во Украина. Што значи тоа? Како што веќе кажавме, тие војници за нас ќе станат легитимни цели. Со други зборови, војната веднаш ќе продолжи.“