
Колку навистина чини настапот и што одговори Град Сплит?
Откако во хрватската јавност се појавија шпекулации дека ангажманот на босанскиот музичар ќе чини околу 300.000 евра, градската управа излезе со официјално појаснување. Оттаму наведуваат дека неговиот бруто авторски хонорар изнесува 140.000 евра, дека договорот сè уште не е потпишан и дека дел од сумата ќе биде покриен од спонзори, додека остатокот од средствата се однесува на продукцијата и техничката опрема за двата празнични концерта.
Во однос на барањето од петицијата, од Град Сплит порачаа дека ПЕТ/КТ уредот чини околу три милиони евра и дека неговата набавка во целост ќе ја финансира хрватското Министерство за здравство. Сепак, градските власти не одговорија на прашањата на „Слободна Далмација“ за тоа кој го предложил Мерлин, зошто неговиот хонорар е драстично повисок од останатите и дали стравуваат од можен бојкот на новогодишната прослава.

Вртоглави суми и за останатите регионални ѕвезди
Голема дебата во јавноста предизвикаа и неофицијалните суми за останатите изведувачи во празничната програма. За дочекот на Нова година на Рива се најавени Јелена Розга, за чиј настап наводно се предвидени 88.000 евра без ДДВ, како и младиот пејач Јаков Јозиновиќ со речиси 50.000 евра.
На останатите локации, како Прокуративи, се споменуваат хонорари од околу 80.000 евра за „Бијело дугме“, 29.000 евра за групата „Далматино“, 27.000 евра за Сергеј Ќетковиќ, 25.000 евра за Тони Цетински и 22.400 евра за дневниот дочек со Жак Хоудек. За настапите на Душко Кулиш, Мирослав Шкоро, Зорица Конџа, „Црвена јабука“, Нено Белан и „Психомодо поп“ се шпекулира со суми меѓу 7.600 и 20.000 евра, при што градските власти нагласуваат дека станува збор само за првични проекции, а не за конечни трошоци.
„Бруто авторскиот хонорар изнесува 140.000 евра, договорот сè уште не е потпишан и дел од сумата ќе биде покриена од спонзори, додека ПЕТ/КТ уредот чини околу три милиони евра и во целост ќе го финансира Министерството за здравство“, порачаа од Град Сплит.
-
La Linea v11
699 ден
524.25 ден -
La Linea v14
699 ден
524.25 ден -
La Linea v16
699 ден
524.25 ден -
Бетмен силуета
699 ден
524.25 ден -
Балтазар
699 ден
524.25 ден -
Пулсот на пивото
699 ден
524.25 ден







