во

Сиљановска-Давкова за Денот на албанската азбука: Единството не смее да ги негира различностите, тие се трајни општествени вредности

Претседателката Гордана Сиљановска-Давкова упати честитка до припадниците на албанската заедница по повод 22 Ноември – Денот на албанската азбука, порачувајќи дека јазикот е темел на националниот идентитет, а различностите се трајни општествени вредности.

Јазикот како темел на идентитетот и колективната меморија

Во своето обраќање, претседателката истакна дека 22 Ноември е датум чие значење ја надминува симболиката на историски јубилеј, оценувајќи го како сведоштво за национална визија и свест за посебен идентитет втемелен врз стандардизираната албанска азбука. Таа нагласи дека јазикот е најсилен инструмент за градење и изразување на колективната меморија, духовното наследство и искуството на еден народ.

Берово те очекува
Pine & Co. – сместување во Берово, Македонија

Сиљановска-Давкова додаде дека во македонското мултикултурно општество и демократски политички систем, Албанците и албанскиот јазик имаат долга традиција на постоење во уставниот, политичкиот, економскиот, образовниот, научниот, културниот, спортскиот, медиумскиот и секојдневниот живот.

Заедничка должност за градење општество со почит кон различностите

Претседателката порача дека заедничка должност на сите е градењето општество во кое единството нема да ги негира различностите, туку ќе ги почитува и третира како трајни вредности. Таа посака 22 Ноември да не биде само ден на сеќавање, прослава и гордост, туку и силен поттик за нови образовни, научни и културни достигнувања на албански јазик.

„Почитувани сограѓани Албанци, 22 Ноември е датум чие значење ја надминува симболиката на историски јубилеј. Тој е сведоштво за национална визија и свест за посебен идентитет, чиј темел е стандардизираната албанска азбука“, истакна претседателката Гордана Сиљановска-Давкова.

Кул Маици - Попуст -25%

Напишете коментар

Вашата адреса за е-пошта нема да биде објавена. Задолжителните полиња се означени со *

Брнабиќ и Николиќ ќе мора да ги напуштат државните вили на Дедиње по промената на власта, тврди „Нова.рс“