во

Избрана трасата за експресниот пат Кочани – Виница – Делчево: Камен-темелник се очекува во 2027 година

Избрана е трасата за експресниот пат што ќе ги поврзе Кочани, Виница и Делчево, со клучка за Македонска Каменица. Доколку подготовките се одвиваат според планот, поставувањето на камен-темелникот се очекува кон крајот на летото или на почетокот на есента во 2027 година.

Проектот поднесен пред ЕИБ и ЕБОР

Ова го најави премиерот Христијан Мицкоски за време на посетата на Делчево, истакнувајќи дека по јавната расправа е избрана една од двете разгледувани варијанти за трасата. Во моментов се изработуваат студијата за изводливост и еколошката студија, кои би требало да бидат завршени напролет, а паралелно се водат разговори со потенцијалните финансиери.

Берово те очекува
Pine & Co. – сместување во Берово, Македонија

Мицкоски оцени дека реализацијата на овој експресен пат значително ќе ја подобри патната поврзаност на жителите од источниот дел на Македонија со останатите делови од државата.

Нови инфраструктурни зафати во Делчево

Покрај експресниот пат, премиерот најави и неколку тековни и претстојни проекти за регионот. Од понеделник треба да започне реконструкцијата на патниот правец од Делчево до граничниот премин со Бугарија, а завршена е и тендерската постапка за санација на мостот на излезот од Делчево кон Македонска Каменица и Кочани.

Во рамки на посетата, Мицкоски заедно со министерот за здравство Сашо Клековски и министерот за спорт Борко Ристовски изврши увид во градежните активности на Здравствениот дом „Гоце Делчев“, како и во почетокот на работите за реконструкција на градската спортска сала.

„Јас и вицепремиерот и министер за транспорт го претставивме проектот пред Европската инвестициска банка и Европската банка за обнова и развој. Апликацијата е веќе поднесена“, изјави премиерот Христијан Мицкоски.

Кул Маици - Попуст -25%

Напишете коментар

Вашата адреса за е-пошта нема да биде објавена. Задолжителните полиња се означени со *

Мицкоски уверен дека Алта банка ќе се спаси преку аукцијата на 30 ноември, Филипче обвинува за лаги и манипулации

МВР со детали за инцидентот во касарната „Илинден“: Припадник на „Тигрите“ се повредил управувајќи мотоцикл и е пренесен на Клинички