Весна Љ.
Преку континуираното учество во меѓународни мисии, забрзаната модернизација и стриктното исполнување на НАТО-стандардите, Армијата ја потврдува својата позиција како доверлив сојузник и клучен фактор за регионалната безбедност. Пред сè, таа останува максимално посветена на својата основна мисија – заштита на независноста, територијалниот интегритет и безбедноста на државата и граѓаните.
Најдинамична трансформација и поддршка на граѓаните
-
La Linea v12
699 ден
524.25 ден
Од Армијата посочуваат дека изминатата 2026 година била година на исклучително значајни резултати. Овој период беше обележан со најдинамичниот циклус на опремување и трансформација досега.
- Покажана е висока оперативна подготвеност, интероперабилност и способност за брзо реагирање.
- Обезбедена е континуирана поддршка на цивилните институции при справување со кризни состојби и природни непогоди.
- Продолжува континуираниот развој на способностите за одговор на современите безбедносни предизвици.
„Блесок 26“ – доказ за врвната борбена подготвеност
Успешната оценка на Лесната пешадиска баталјонска група на вежбата „Блесок 26“ претставуваше најзначајниот професионален исчекор за македонските одбранбени сили.
Оценувањето на оваа група како „борбено подготвена за извршување на својата мисија“ претставува непобитен доказ дека македонската Армија во целост ги исполнува строгите стандарди на НАТО Алијансата и е рамо до рамо со најсовремените светски армии.
