Маша J.
На најновите фотографии, Каролина позира во долга светложолта летна креација, но и во костим за капење. Нејзиниот изглед е освежувачки и природен. Косата ѝ е едноставно собрана, накитот е минимален, а нејзиниот стил останува препознатлив и ненаметлив. Бројните следбеници на социјалните мрежи веднаш ја опсипаа со позитивни коментари за нејзината витка линија и младешкиот дух.
-
La Linea v16
699 ден
524.25 ден
„Кога сум на одмор, сакам и лицето да ми одмора“, напиша Каролина во описот на објавата, докажувајќи дека комфорот и природноста ѝ се на прво место.
Од студената Полска до жешките плажи
Овој релаксирачки одмор доаѓа веднаш по едно сосема поинакво патување. Пејачката неодамна престојуваше во Полска со нејзиниот сопруг, уметникот Михаил Корубин. Тие ги посетија Варшава и Краков поради концертот на британското дуо „Hurts“. Таму беа пречекани со магла, дожд и студ, па овие нови фотографии од плажа се вистински и заслужен контраст. Сега, поп-ѕвездата максимално ужива во сонцето и релаксираната летна атмосфера далеку од сцената.
Љубов која инспирира
Каролина веќе неколку години плови во мирните брачни води со Михаил. Тој е шест години помлад од неа и потекнува од исклучително познато уметничко семејство. Нивната венчавка во преуреден воен хангар на аеродромот Петровец сè уште се смета за една од најуникатните на македонската естрада. Иако пејачката љубоморно ја чува својата приватност и ретко дава интервјуа, ваквите објави потврдуваат дека е вистински среќна и исполнета.
