„Вие си избравте крал, не ви треба британски“: Принцот Хари го „пецна“ Трамп во живо на ТВ

„Вие Американците си избравте крал“: Принцот Хари со остра сатира за Трамп во комичен скеч на „The Late Show“

Британскиот принц Хари имаше неочекувано и впечатливо појавување во популарното американско шоу „The Late Show“ со Стивен Колбер на телевизијата Си-Би-Ес. Војводата од Сасекс учествуваше во однапред режиран комичен скеч во кој „глумеше“ самиот себе на аудиција за улогата на „божиќен принц“ во измислен телевизиски филм. Кулминацијата на скечот се случи кога Хари, коментирајќи ја американската фасцинација со британската монархија, упати директна и иронична забелешка кон новоизбраниот претседател: „Вие Американците си избравте крал“, алудирајќи на Доналд Трамп, што предизвика бурна смеа и аплауз од публиката.

Шеги за тужбите на Трамп и поддршка од Меган

Хари не застана тука, туку се осврна и на актуелните политичко-медиумски теми, вклучително и контроверзната тужба на Трамп против Си-Би-Ес поради интервјуто со Камала Харис во „60 Минути“. Глумејќи очаен кандидат за улогата, принцот рече дека „би направил сè“ за да ја добие работата, дури и „решавање на неоснована тужба со Белата куќа“. Ова е второ гостување на Хари кај Колбер, а настапот беше најавен со видео на социјалните мрежи во кое се појави и неговата сопруга, Меган Маркл, потврдувајќи го нивниот статус на ѕвезди во американскиот шоу-бизнис по повлекувањето од кралските должности.