Весна Љ.
Крај на економијата базирана на евтина работна сила
Славески во своето обраќање на Регионалниот економски преглед за Европа нагласи дека регионот мора да направи радикална транзиција. Според него, досегашната економија заснована главно врз евтина работна сила и акумулација на капитал треба да се замени со модел кој се потпира на висока продуктивност, поквалитетни инвестиции, нова технологија и производи со повисока додадена вредност.
-
La Linea v12
699 ден
524.25 ден
Тој потенцираше дека забрзувањето на економската конвергенција кон ЕУ бара сеопфатен реформски план кој мора да вклучи:
- Посилни институции и владеење на правото.
- Подобрено деловно опкружување и суштински реформи на пазарот на трудот.
- Развој на човечкиот капитал, дигитализација и поттикнување на иновациите.
Човечкиот капитал и инфлацијата во фокусот
Гувернерот предупреди дека продуктивноста во Западен Балкан во моментов е на само околу половина од европското ниво. Дополнителен товар за економијата се демографските притисоци, масовното иселување, недостатокот на вештини, како и ниската вклученост на жените и младите на пазарот на трудот.
„Подлабоката интеграција со европскиот пазар може да им овозможи на компаниите да го прошират работењето, да привлечат инвестиции и да се вклучат во посложени синџири на вредност. Планот за раст на ЕУ и постепената интеграција во единствениот пазар можат да бидат важни двигатели на овој процес“, потенцираше Славески.
Осврнувајќи се на монетарната политика, тој додаде дека преземените мерки на Народната банка успешно ја стабилизирале инфлацијата на 2,6%, но посочи дека поради глобалната неизвесност, натамошните одлуки ќе бараат голема претпазливост.
