ДНК го снимија спотот за новата песна „Чаршија“ во автентичниот амбиент на скопската чаршија

Популарното дуо ДНК ја претстави својата нова песна „Чаршија“, во која како гости се појавуваат познатиот хармоникаш Мишел Трајковски и перкусионистот Бока Конга. Песната, која го задржува препознатливиот стил на нивните хитови „Ако утре ме нема“ и „Животе брате“, ветува дека ќе стане уште еден омилен хит кај македонската публика.

„Успеавме повторно да создадеме нешто што ја освои публиката,“ велат членовите на ДНК, Панчо и Андреј, кои соработуваа и со режисерот Огнен Шапковски и директорот на фотографија Кристијан Теодоров за визуелното реализирање на песната.

Во спотот снимен во шармантната турска чаршија во Скопје се појавуваат и познатата водителка Вера Мештеровиќ, моделот Драгана Спасовска, како и диџеите Irie Scratch и Nasty, кои го збогатуваат амбиентот со својот препознатлив стил.