Весна Љ.
Новиот закон против пушење најверојатно нема да стартува на 1 март, туку ќе се воведува во фази, со „мека имплементација“ што прво ќе се базира на едукација и опомени, а дури потоа на казни
Од Министерството за здравство најавуваат дека текстот ќе се доработува и ќе се донесе „најбрзо што може“, а примената ќе оди постепено за да се намали судирот меѓу јавноздравствената цел и економската реалност во угостителството. Државниот советник Никола Грбчевски посочи дека разговорите со засегнатите страни сè уште траат и дека наместо нагло воведување, се избрала фаза по фаза.
Колку ќе трае „периодот на навикнување“, засега нема точен рок
-
Хемија
699 ден
524.25 ден
Според изјавите, оперативна работна група ќе проценува дали фазите ќе траат три, шест или осум месеци, во зависност од тоа како ќе се усогласи планот на терен. Угостителите, иако велат дека го поддржуваат законот, бараат имплементацијата да се развлече цели три години, а санкционирањето да почне дури по тој период, со аргумент дека брзата забрана може да удри по прометот, да затвори објекти и да предизвика отпуштања.
Во јавноста се појави и модел во повеќе чекори: прво силна информативна кампања, потоа јасни правила за надворешни зони и строга забрана во затворени простории, па финална фаза со нулта толеранција.
Забраната се шири и на вејп и електронски цигари, а казните се високи
Предлогот предвидува забрана за пушење на сите видови цигари и уреди, вклучувајќи електронски цигари и вејп, во затворени угостителски објекти, компании, во и пред јавни институции, како и во училишта, градинки, автобуски и железнички станици, пазари, културни и спортски објекти. Дополнително, се воведува забрана и во автомобил ако во возилото има дете.
Во дебатата влегоа и експерти кои предупредуваат дека текстот бара доработка, особено околу преодните и завршни одредби, односно од кога точно важат ограничувањата и што ќе се случи со постојните залихи на тутунски и никотински производи. Казните за граѓаните се наведуваат од 150 до 300 евра, а за фирмите до 5.000 евра
