Мислел дека е играчка, а донел воен дрон дома: Бизарна случка во Молдавија крена полиција на нозе!

Бизарен инцидент во Молдавија: Мештанин пронашол воен дрон, мислел дека е играчка и го расклопил во својот двор!

Полицијата во Молдавија мораше итно да испрати екипа од деминери во селото Пепени, лоцирано на околу 100 километри од Кишињев и недалеку од границата со Украина, по дојава за пронајден воен дрон. Надлежните останале зачудени кога сфатиле дека неименуван мештанин го пронашол леталото четири дена претходно, но бидејќи мислел дека станува збор за голема играчка, го однел дома. Кога полицијата пристигнала, затекнала несекојдневна глетка – борбеното летало веќе било расклопено, а неговите делови биле оставени на приколка од трактор.

Се работи за рускиот модел „Гербера“, властите апелираат на внимателност

Another crashed drone has been found in Moldova — a local resident picked it up and drove it away on his motor-cultivator. pic.twitter.com/359v5PPwrT

— NEXTA (@nexta_tv) December 3, 2025

Градоначалникот Олег Черни веднаш ги известил државните институции штом ја идентификувал ситуацијата. Иако полицијата потврди дека во овој конкретен случај дронот немал експлозив и не претставувал опасност, станува збор за моделот „Гербера“, кој Русија често го користи за извидување или лажни напади во војната со Украина. Властите упатија сериозен апел до граѓаните во пограничните региони никогаш да не ги допираат или транспортираат паднатите летала, бидејќи тие можат да бидат смртоносни.