Весна Љ.
Вистинската домашна кремпита не бара скапи состојки ниту сложени техники. Потребни се малку трпение, добро сварен крем и внимателно изматени белки кои му ја даваат препознатливата лесна текстура.
Потребни состојки
- 500 грама лиснато тесто
- 1 литар млеко
- 8 јајца
- 250 грама шеќер
- 2 кесички ванилин шеќер
- 120 грама меко брашно
- 1 лажица густин
- 200 милилитри студена вода
- Прстофат сол
- Шеќер во прав за посипување
Испечете ги крцкавите кори
-
Јога шимпанзо
699 ден
524.25 ден
Поделете го лиснатото тесто на два еднакви дела и расукајте ги според големината на плехот. Секоја кора печете ја посебно на хартија за печење, во претходно загреана рерна на 200 степени, околу 10 до 15 минути.
Едната испечена кора ставете ја на дното од плехот. Втората оставете ја за завршниот слој, а за полесно сечење можете однапред да ја поделите на еднакви квадрати.
Подгответе го жолтиот крем
Одвојте ги жолчките од белките. Жолчките изматете ги со 200 грама шеќер и ванилиниот шеќер, додека смесата не стане светла и пенеста.
Додајте ги брашното и густинот, а потоа постепено сипете ја студената вода. Мешајте додека не добиете мазна смеса без грутки.
Загрејте го млекото до вриење, па полека сипувајте го во смесата со жолчки, постојано мешајќи. Вратете го кремот на умерен оган и варете го додека добро не се згусне.
Тајната на воздушестиот фил
Белките изматете ги со прстофат сол во цврст снег. При крајот додајте ги преостанатите 50 грама шеќер и матете додека смесата не стане цврста и сјајна.
Тргнете го сварениот жолт крем од оган. Додека е сè уште топол, внимателно додавајте ги белките со лажица и мешајте со лесни движења за да остане филот воздушест.
Филување и ладење
Топлиот крем распоредете го врз долната кора и израмнете го. Оставете ја кремпитата да се излади на собна температура, а потоа ставете ја во фрижидер најмалку четири до шест часа, а најдобро преку ноќ.
Пред послужување наредете ги квадратите од горната кора и обилно посипете со шеќер во прав.
