Почина д-р Владимир Мирчевски, познат неврохирург и едукатор

Денеска медицинската заедница во Македонија загуби еден од своите најголеми столбови – проф. д-р Владимир Мирчевски, светски реномиран неврохирург и еден од водечките експерти во областа на детската неврохирургија.

Асоцијацијата на специјализанти и млади лекари со длабока тага ја објави веста, истакнувајќи дека неговото заминување претставува огромна загуба за македонскиот здравствен систем. Професорот Мирчевски, редовен професор на Медицинскиот факултет во Скопје, зад себе остави длабока трага како лидер во неврохирургијата и посветен наставник кој инспирираше многу млади лекари. Како специјалист школуван во Лион и член на Американскиот конгрес на неврохирурзи, тој беше авторитет и за своите колеги и за своите студенти.

Погребната церемонија ќе се одржи во среда, 13 ноември 2024 година, на Градските гробишта во Бутел, Скопје, со изложување на посмртните останки во 13:00 часот.