Марко Ш.
Стефан се здоби со тешки повреди на рбетот по струен удар и пад од голема височина. Неговото лекување мора итно да продолжи во специјализирана медицинска установа во странство. Почетната цена на овој вреден дрес изнесува 6.000 денари. Аукцијата е веќе активна и ќе трае до петок во 21 часот. Сите заинтересирани купувачи можат да го контактираат Пешевски преку приватна порака.
Најважниот натпревар во животот
-
La Linea v5
699 ден
524.25 ден
Ракометарот преку емотивна објава ја објасни својата хумана мисија. Тој ги повика сите граѓани со добра волја да се приклучат во акцијата. Пешевски нагласи дека хуманоста не познава граници и дека спортистите секогаш пружаат рака кога е најпотребно. Според него, секој човек води свои битки, но битката на Стефан е прашање на живот.
„Стефан го игра најважниот натпревар и ја води најголемата битка во својот живот. Другар, пријател, професионалец во својата професија, грижлив родител и сопруг. Потребно е да му помогнеме и знам дека ќе успееме.“
Симбол на македонското заедништво
Дресот ставен на аукција носи огромна симболична вредност. На него се наоѓаат потписите од сите репрезентативци кои играа на последниот натпревар меѓу Македонија и Романија на Европското првенство. Ова парче опрема претставува вистински симбол на успех и заедништво за целата држава. Сите собрани средства од аукцијата ќе бидат целосно донирани за закрепнувањето на Стефан.
