Весна Љ.
СДСМ удри со тешки обвинувања од Собранието, тврдејќи дека мнозинството одбило Законот за 600 евра минимална плата да се најде на дневен ред, додека работниците протестирале пред зградата.
Во соопштението, СДСМ наведува дека пратениците од, како што ја нарекуваат, „тендер коалицијата ВМРО-ЗНАМ“ на вчерашната седница „застанале против работниците“ и одбиле точката за минималецот да биде ставена на дневен ред. Од партијата потсетуваат дека предлогот за измени на Законот за минимална плата бил поднесен на 31 јануари и дека, според нив, биле исполнети условите точките поднесени до крајот на месецот да се најдат на седницата.
„Понижување“ во сала, протест надвор, СДСМ ја напушти седницата
-
Апсана
699 ден
524.25 ден
Додека, според нив, работниците протестирале пред Собранието, СДСМ тврди дека во салата биле испратени пораки на понижување кон работниците, поради што нивните пратеници ја напуштиле седницата „во знак на протест“. Во соопштението се истакнува дека барањата на ССМ за минимална плата од 600 евра или 36.960 денари се „реални и издржани“.
„Во буџетот има пари“, велат од СДСМ, а ја отвораат и темата за „авион“
Партијата тврди дека „во буџетот има пари“ и дека со пренамена на две категории можат да се обезбедат 200 милиони евра, доволни за да им се излезе во пресрет на работниците. Во истата порака, СДСМ ја обвинува владата дека избира „сопствен луксуз“ наместо потребите на граѓаните и ја пласира тезата дека се размислува за купување авион за Мицкоски, споменувајќи и патувања како она во Давос
