Весна Љ.
„Време е за стратешки чекор на ЕУ кон Западниот Балкан“, порача претседателката Гордана Сиљановска-Давкова на Балканскиот форум за интеграција 2025 во Црна Гора.
Таа истакна дека по долгата и маратонска интеграција, заедничката историја и култура треба да се заокружат со отворање на вратите за членство. Сиљановска-Давкова нагласи дека пристапувањето мора да биде кредибилен процес заснован единствено на Копенхагенските критериуми, а ЕУ мора да ги брани своите принципи и да не дозволува двојни стандарди кои го комплицираат процесот.
„Стопроцентно сме усогласени, заслужуваме шанса“
-
La Linea v23
699 ден
524.25 ден
Претседателката потенцираше дека Македонија во регионални рамки го надминува просекот на усогласеност со европското законодавство во сите шест кластери и е стопроцентно усогласена со заедничката надворешна и безбедносна политика на ЕУ. „Заслужуваме да бидеме охрабрени и да добиеме шанса за почеток на преговори“, рече таа, додавајќи дека членството е најдобриот начин за отпорност на регионот кон „трети центри на моќ“.
На форумот, на кој учествуваше и црногорскиот претседател Јаков Милатовиќ, беше заклучено и дека земјите од регионот мора стратешки да се борат против феноменот на „одлив на мозоци“.
