
Критики за однесувањето на конститутивната седница
Според анализата на германскиот весник, Вучиќ и СНС не покажуваат почит кон демократските институции и не признаваат никаков авторитет освен сопствениот. ФАЗ посочува дека ваквиот однос започнал уште првиот ден од седницата, кога поранешниот претседател ниту ја испеал химната, ниту ја изговорил свечената заклетва, туку „стоел со камено лице, без да ги помрдне усните“.
Весникот наведува дека Вучиќ им лепел етикети на претставниците на „Студентската листа“, нарекувајќи ги „левичарски екстремисти, марксисти и анархисти“, и ги обвинувал дека по изборната победа создале „атмосфера на терор“. Според ФАЗ, и други високи функционери на СНС го следеле примерот на својот лидер, додека 78-годишниот претседавач со седницата, професорот Стојан Раденовиќ, постапувал според упатствата на Вучиќ и му дозволувал со часови да ги изнесува своите обраќања.
Два клучни заклучоци на германскиот весник
Од однесувањето на Вучиќ и неговите соработници во првите денови на новиот парламентарен состав, „Франкфуртер алгемајне цајтунг“ извлекува два главни заклучока. Првиот е дека по 14 години непрекината власт, „партиската држава“ на СНС ги доживува демократските институции како приватен, односно партиски имот.
Како втор заклучок, ФАЗ наведува дека Вучиќ и неговите соработници сметаат оти секоја влада што не е предводена од СНС е нелегитимна. Весникот оценува дека преку ваквата тактика целта била да се парализира политичкиот процес, а одговорноста за застојот да се префрли врз победниците на изборите од 25 октомври.
„Прво, по 14 години непрекината власт, ’партиската држава‘ на СНС ги доживува демократските институции како приватен – или поточно, партиски – имот. Второ, Вучиќ и неговите соработници сметаат дека секоја влада што не е предводена од СНС е нелегитимна“, пишува „Франкфуртер алгемајне цајтунг“ (ФАЗ).
-
La Linea v12
699 ден
524.25 ден -
Никогаш да не се заборави
699 ден
524.25 ден -
Кафе и пиво
699 ден
524.25 ден -
Хемија
699 ден
524.25 ден -
La Linea v23
699 ден
524.25 ден -
Те сакам како пивото
699 ден
524.25 ден






