Хорор во соседството: Брат (19) пет години ја силувал сестричката (12) додека родителите не биле дома

Регионот е потресен од два морничави случаи на силување на 12-годишни девојчиња – едниот во Македонија, а другиот во Романија.

Во случајот од Романија, кој ја згрози јавноста, осомничен е 19-годишен брат кој се сомничи дека ја злоставувал својата сестра цели пет години. Пеколот за девојчето започнал кога таа имала само 7 години, а братот наводно ги користел моментите кога родителите не биле дома за да ја напаствува десетици пати.

Вистината излегла на виделина кога девојчето отишло кај своја училишна другарка и видно се вознемирило кога требало да си оди дома. Таа ѝ се доверила на мајката на другарката, која веднаш ги известила родителите. Полицијата во Јаши отворила истрага, а на братот му е одреден притвор од 30 дена.

Истовремено, во Македонија е уапсен 16-годишник поради силување на 12-годишно девојче. Уште пострашно е што тој му дозволил на помал другар да го снима чинот, а трето момче подоцна ја уценувало жртвата со тие снимки.